පාරිසරික අනුමැතීන්
සමුද්ර පරිසර ආරක්ෂණ අධිකාරියේ (MEPA) ප්රධාන කාර්යයන්ගෙන් එකක් සමුද්ර දූෂණය වැළැක්වීම, පාලනය සහ අවම කිරීම සඳහා අවශ්ය ක්රියාමාර්ග ගැනීමයි. ශ්රී ලංකාවේ දේශීය ජල තීරය, සමුද්ර කලාප, වෙරළබඩ සහ වෙරළබඩ ප්රදේශ ප්රදේශවල සිදු කරනු ලබන ඕනෑම නව සංවර්ධන ක්රියාකාරකමක් සමුද්ර පරිසරය දූෂණය වීමේ අවදානමක් ඇති නොවන බව සහතික කිරීම සඳහා සමුද්රීය පරිසර ආරක්ෂණ අධිකාරියේ අනුමැතිය ලබා ගත යුතුය.
සමුද්රීය පරිසර ආරක්ෂණ අධිකාරියේ අනුමැතිය අවශ්ය වනුයේ:
පහත සඳහන් අවස්ථා වලදී ද අනුමැතිය ලබා ගත යුතුය:
- පාරිසරික බලපෑම් ඇගයීම් (EIA) හෝ මූලික පාරිසරික පරීක්ෂණය (IEE) මගින් වෙරළබඩ හෝ සමුද්ර පරිසරයට සැලකිය යුතු බලපෑම් ඇතිවිය හැකිබවට හඳුනා ගන්නේ නම්.
- ව්යාපෘති අනුමත කිරීමේ ආයතනය , අදාල අනුමැතිය ලබා දීම සඳහා MEPA අනුමැතිය පූර්ව අවශ්යතාවයක් ලෙස සලකන්නේ නම්.
- යෝජිත හෝ ක්රියාත්මක වෙමින් පවතින ව්යාපෘතිය වෙරළබඩ හෝ සමුද්රීය පරිසරයට සැලකිය යුතු අවදානම් ඇති කරන බව මෙම අධිකාරිය තීරණය කරන්නේ නම්.
- පළාත් පාලන ආයතන හෝ පාරිසරික පරීක්ෂණ කමිටු මඟින් වෙරළබඩ හෝ සමුද්ර පරිසරයට අවදානමක් ඇතිවිය හැකිබවට හඳුනාගන්නා ලද ක්රියාකාරකම් සඳහා.
- ව්යාපෘති යෝජකයා හෝ සංවර්ධකයා වෙරළබඩ හෝ සමුද්රීය පරිසරයට සැලකිය යුතු බලපෑමක් අපේක්ෂා කරන්නේ නම්,
ඔවුන් පාරිසරික අනුමැතිය සඳහා විධිමත් ඉල්ලීමක් ඉදිරිපත් කළ යුතුය. මෙම ඉල්ලීම සමුද්රීය පරිසර ආරක්ෂණ අධිකාරියේ (MEPA) ප්රධාන විධායක නිලධාරියා වෙත යොමු කළ යුතුය.
MEPA අනුමැතිය සඳහා අයදුම් කරන්නේ කෙසේද:
ඉල්ලීම සමඟ පහත සඳහන් ලියකියවිලි ඇතුළත් කළ යුතුය:
- පාරිසරික බලපෑම් ඇගයීම් හෝ IEE වාර්තාව (අදාළ නම්).
- පාරිසරික බලපෑම් ඇගයීම්ක් හෝ මූලික පාරිසරික පරීක්ෂණයක් නොමැති ව්යාපෘති සඳහා එම ව්යාපෘතිය, ක්රියාකාරකම් හෝ ක්රියාකාරිත්වය ගෙනහැර දක්වන සවිස්තර වාර්තාවක්.
- වෙනත් අදාළ ආයතනවලින් ලබාගත් අනුමැතීන්හි පිටපත් (තිබේ නම්).
නිෂ්කාශන ලිපි සඳහා ගාස්තු :
නිෂ්කාශන ලිපි නිකුත් කිරීම සඳහා MEPA ගාස්තු අය කරන අතර, ක්ෂේත්ර පරීක්ෂා කිරීමේ අවශ්යතාවය අනුව පිරිවැය වෙනස් වේ:
- ක්ෂේත්ර පරීක්ෂණ අවශ්ය නිෂ්කාශන ලිපි සඳහා: රු. 2,000.00 ක් සහ ක්ෂේත්ර පරීක්ෂා ගාස්තුවක් අය කෙරේ. මෙම ගාස්තුව සඳහා ඉන්ධන වියදම්, නිලධාරීන් සඳහා වන ගෙවීම් සහ ක්ෂේත්ර පරීක්ෂාව සිදුකල යුත්තේ මුහුදේ නම් බෝට්ටු සඳහාවන ගෙවීම් ඇතුලත් වේ.
- පරීක්ෂාවකින් තොරව නිෂ්කාශන ලිපි සඳහා: රු. 2,000.00 ක සම්මත ගාස්තුවක් අය කෙරේ.