இலங்கை, இந்தியப் பெருங்கடலில் அமைந்துள்ள தனித்துவமான தீவாகும். இந்த நாட்டின் கடல் பரப்பளவு அதன் நிலப்பரப்பை விட எட்டு மடங்கு அதிகம். நாட்டிற்கு சுமார் 1,700 கிலோமீட்டர் நீளமான கடற்கரை மற்றும் கண்டல் தாவரதொகுதிகள் போன்ற கடலுடன் இணைந்துள்ள பல்வேறு கடல்சார் சூழலியல் அமைப்புகள் உள்ளன.

எனினும், மனித செயல்பாடுகளின் காரணமாக, கடல்சார் மற்றும் கடல் மாசுபாடு நாளுக்கு நாள் அதிகரித்து வருகிறது. கரையிலிருந்து ஏற்படும் மாசுபாடு சுமார் 90% ஆக மதிப்பீடு செய்யப்பட்டுள்ளது. ஆறுகள், கால்வாய்கள் மற்றும் வடிகால் அமைப்புகளின் வழியாக கழிவு பொருட்கள் கடலில் மற்றும் கடற்கரையில் சேர்க்கப்படுகின்றன. இந்த கடல் மாசுபாடு மனிதர்களின் வாழ்வினையும் கடல்சார் உயிரினங்களின் ஆரோக்கியத்தையும் மேலும்,  சுற்றுலா மற்றும் மீன்பிடித் துறைகளையும் வெகுவாக பாதிக்கிறது. இவை நாட்டின் பொருளாதாரத்தில் மிக முக்கிய பங்குவகிக்கிறது

இந்த சவால்களை எதிர்கொள்ள ஒரு திறமையான அமைப்பு அவசியமாகும். கடல்சார் சூழல் பாதுகாப்பு அதிகாரசபை (MEPA) கடற்கரை மாவட்டங்களில் உள்ள நகராட்சி, நகர மற்றும் மாகாண சபைகளுடன் இணைந்து 84 அமலாக்க பிரிவுகளை அமைத்துள்ளது. இவை கடல்சார் பகுதிகள் மற்றும் மீன்பிடி துறைமுகங்களில் மாசுபாடு தடுப்பு நடவடிக்கைகளை செயல்படுத்துகின்றன.

இந்த முயற்சிகளை மேம்படுத்துவதற்காக, MEPA கடல்சார் பகுதிகளில் கழிவு முகாமைத்துவம் தொடர்பாக அனைத்து பங்காளிகளின் கருத்துக்களை கவனத்தில் கொண்டு ஒரு விரிவான திட்டத்தை உருவாக்கியுள்ளது. கடல் சூழலினைப் பாதுகாக்கவும் மாசுபாட்டைத் தடுக்கவும் MEPA ஒரு புதிய இணையதள அடிப்படையிலான மொபைல் செயலி பயன்பாட்டை அறிமுகப்படுத்தியுள்ளது. இந்த செயலியானது நவீன தொழில்நுட்பத்தினைப் பயன்படுத்தி மாசுபாடு தடுப்பு நடவடிக்கைகளை எளிதாக்க உதவுகிறது.